JW Marriott Mehmanxanalar Şəbəkəsi
JW Marriott Mehmanxanalar Şəbəkəsi kənd qadınlarını dəstəkləyir
Balakən, Masallı, Neftçala, İmişli, Bərdə və Ağdam rayonlarında fəaliyyət göstərən Qadın İnkişaf və Müəssisə Qruplarının nümayəndələri JW Marriott Abşeron Baku Hotel, Dünya Bankı və Azərbaycan Kənd Qadınları Assosiasiyasının tərəfdaşlığı çərçivəsində JW Marriott Abşeron-un Şirniyyat və Banket Baş Aşpazları tərəfindən keçirilən bir günlük təlimə dəvət olunumuşdular.
Assosiasiya üzvlərinə dünya brendi sayılan JW Marriott şəbəkəsi haqqında qısa məlumat verildi və onlara eyni zamanda otel peşəkarları tərəfindən məhsul və xidmət keyfiyyətinin sirləri, müştərilərlə davranış qaydaları və satışın idarə edilməsi haqqında dəyərli məsləhətlər verildi.
JW Marriott Otelinin mətbəxinə baş çəkmək, peşəkar aşpazlar tərəfindən “Bananlı tort” və “Şah plov”un hazırlanmasını müşahidə etmək, həmçinin ləzzətli nahar süfrəsindəki təamlara qonaq olmaq kənd qadınları üçün həqiqətən də unudulmaz bir təcrübə idi.
Kənd qadınlarının istehsal, xidmət bacarıqları, brendinq və satışın idarə edilməsi üzrə bacarıqlarının artırılması üçün bu cür tərəfdaşlıqlara doğrudan da böyük ehtiyacları var. Ümid edirik ki, JW Marriott Abşeron Baku Hotel, Dünya Bankı və Azərbaycan Kənd Qadınları Assosiasiyası arasında əməkdaşlıq bundan sonra da genişlənərək, kənd qadınlarının gözləntilərini doğruldacaq. Kənd qadınlarına belə gözəl bir gün bəxş etdiyinə görə JW Marriott Hotelinə dərin təşəkkürlər!