Cari Əməkdaşlıqlar
Biz kənd qadınlarına, onların gücünün artırılmasına və digər kənd inkişaf proqramlarına dəstək olmaq istəyən dövlət qurumları və beynəlxalq təşkilatlar üçün platforma rolunu oynayırıq. Biz qadınların sosial və iqtisadi imkanlarını genişləndirən layihələrin həyata keçirilməsinə dəstək vermək üçün dövlət qurumları, beynəlxalq təşkilatlar, milli və özəl sektor təşkilatları da daxil olmaqla bir sıra qurumlarla əməkdaşlıq edirik. Əməkdaşlarımızın Beynəlxalq QHT-lərin (USAID, GIZ, FAO və Dünya Bankı) kənd və icma inkişafı proqramları ilə bağlı iyirmi illik iş təcrübəsi var. Tərəfdaş təşkilatların layihələrinə göstərdiyimiz dəstək icmaların və kənd qadınlarının səfərbər edilməsi, təlimlərin təşkili, sorğuların keçirilməsi, eləcə də Qadın İnkişaf və Müəssisə Qrupları (QİMQ) və İstehsal Qrupları daxil olmaqla biznes qruplarını inkişaf etdirməkdən ibarətdir. Biz kənd yerlərinin inkişafında və qadınların iqtisadi gücünün artırılmasında maraqlı olan istənilən təşkilatla tərəfdaşlığa hazırıq.
Biz hal-hazırda Ərzaq və Kənd Təsərrüfatı Təşkilatının (FAO) iki layihəsi ilə əməkdaşlıq edirik: “Azərbaycanın Şimal-Qərb bölgəsində dayanıqlı və inklüziv aqro-ərzaq sistemlərinin inkişaf etdirilməsi” layihəsi, “Qadınların İqtisadi Gücünün Artırılması” (WEP) layihəsi və USAID-in Özəl Sektorun Dəstəklənəsi (PSA) layihəsi. Bizim GİZ və Dünya Bankı ilə də tamamlanmış əməkdaşlıqlarımız olub. Bundan əlavə, ənənəvi yerli qida və otelçilik sektorunda kənd qadın sahibkarlarının bacarıqlarını inkişaf etdirmək üçün Marriott Hotel ilə də tərəfdaşlıq qurmuşuq.