Təbliğat Fəaliyyətləri
AKQA, kənd qadın sahibkarlarının və fermerlərinin biznes assosiasiyası olaraq, kənd qadınlarının üzləşdiyi problemləri yerli və milli hakimiyyət orqanları ilə birlikdə aradan qaldırmağa kömək edir. Belə qurumlara Kənd Təsərrüfatı Nazirliyi, İqtisadiyyat Nazirliyi, eləcə də həmin nazirliklərin tabeçiliyində olan müvafiq qurumlar: Aqrar Kredit və İnkişaf Agentliyi, həmçinin Kiçik və Orta Biznesin İnkişafı Agentliyi aiddir. O, həmçinin müvafiq qurumlar tərəfindən görüşlər və treninqlər təşkil etməklə və bu proqramlara çıxış üçün üzvlərə dəstək verməklə, kənd yerlərində yaşayan sahibkar qadınların dövlət proqramlarına çıxış əldə etməsinə kömək göstərir.
Kənd yerlərində yaşayan qadın sahibkarların kreditə çıxışında müəyyən məhdudiyyətlər olduğu üçün, AKQA qadın sahibkarların kreditlərə daha asan çıxış imkanlarının yaradılması ilə bağlı banklarla müzakirələr aparır.