Bu gün KTN Zaqatala Dövlət Aqrar İnkişaf Mərkəzində TC Gönen Merkez Tuzakçı Hasanbey Tarımsal Kalkınma Kooperatifi nümayəndələrinin Balakən və Zaqatala rayonlarında fəaliyyət göstərən 5 Qadın Kooperativi ilə görüşü baş tutdu. DAİM Sədri Vaqif Şabanov tədbirin keçirilməsinə dəstək göstərdi. Türkiyədən qonaq gələn kooperativ başkanı xanım Berrin Yetkin Var rəhbərlik etdiyi kooperativin uğur hekayəsini paylaşmaqla görüş iştirakçılarına motivasiya verdi, görüşdə iştirak edən Qadın Kooperativləri ilə əməkdaşlığın mümkün yolları müzakirə olundu. Qonaqlar Qadın Kooperativlərinin təşkil etdiyi məhsul sərgisi ilə tanış olduqdan sonra Zaqatalada fəaliyyət göstərən "Çinar" Qadın Kooperativinə də baş çəkdilər. Kooperativ üzvləri qonaqları öz istehsal müəssisəsi ilə tanış etdi, eyni zamanda öz folkloru və yerli ərzaq nümunələri ilə qonaqpərvərlik göstərdi.
