Azərbaycan Kənd Qadınları Assosiasiyası (AKQA) kənd qadın sahibkarlar və fermerlər üçün ilk milli platforma kimi 13 Noyabr 2018-ci il tarixində yaradılıb. Assosiasiya, Kənd Təsərrüfatı Nazirliyinin dəstəyi ilə Dünya Bankı və Kənd Təsərrüfatı Nazirliyinin birgə maliyyələşdirdiyi Azərbaycan Kənd İnvestisiya Layihəsi çərçivəsində irəli sürülmüş Özünə Dəstək Qrupları əsasında formalaşmış Qadın İnkişaf və Müəssisə Qruplarını (WDEGs) dəstəkləmək və inkişaf etdirmək üçün yaradılıb. Layihə 2019-cu ilin Sentyabr ayında başa çatıb və AKQA o vaxtdan bəri həm mövcud qrupları dəstəkləməyə, həm də 2021-ci ilin avqust ayına kimi onları 23 rayonda 780 kənd qadınını əhatə edən 50 qrupa qədər genişləndirməyə müvəffəq olmuşdur.